الاثنين، 13 سبتمبر 2010

Make up

من الأشياء المهمه التي تبرز جمال وانوثه المرأه "المكياج" لاكن اذا وضع بطريقة صحيحه .   
وطبعا الاهم من المكياج , ان تكون البشره صافيه ونضره وخاليه من الشوائب .
" فالمرأه التي لاتضع مكياج لاكن بشرتها نضره وصافية ومشرقة اجمل من المرأه  التي تضع مكياج وبشرتها غير نضره وغير صافيه "

هنا راح اتكلم عن اهم شي في الميك اب بحكم اطلاعي وخبرتي البسيطه




              اساسيات الميك اب :

* طبيعي ( Natural )
يكون بسيط وخفيف يظهر جمالك بطريقة طبيعيه ومشرقة , "يظهر جمالك مو يخبي اشباهك" مثل الميك اب (خليجي ) اقرب مثال مكياج حليمه بولند .

* الوانه تكون اقرب للطبيعة و تكون مناسبة للون البشره :
مثلا : للون البشره السمراء او البرونزيه يناسبلها الألوان الترابيه, لون الاورنج ,المشمشي ,الوردي .
والبشره البيضاء حلو عليها الاوان الفاتحه وطبعا يختلف من بشره لبشره

* يكون فيه توازن بين مكياج العين والشفاه
يعني اذا مكياج العين كثيف شوي تكون الشفاه لونها طبيعي واذا مكياج العين خفيف نبرز جمال الشفاه اكثر
نستخدم الوان قوية وجذابه مثل الاحمر الكلاسيكي الفوشي الاورانج .

* واهم شي يكون الميك اب نظيف ومرتب يعني يكون في دمج بالألوان بطريقة ناعمه وفراشي الميك اب (Brushes) راح تساعدك على هالشي 

اختيار الكحل ورسمه العين المناسبة لكِ
الكحل يااما انو يكون سائل(Liquid eyeliner )او قلم او ممكن استخدام الاي شدو , استخدمي الذي يناسبك ويريحك .
رسمه العين لها اشكال عديده ومختلفة( راح اتكلم عنها ان شاءالله في موضوع اخر ) اهم شي تكون طبيعيه تبرزي شكل عينك الطبيعي اذا مثلا عينك صغيرة لاتحاولي انك تبرزيها اكثر من الازم وهذا خطاء اشوفه كثير على بنات لان كذا غطت شكل عينها ورسمه عينها الطبيعيه وبكذا ماراح يكون شكلها حلو ,

* كريم الاساس (Foundation) يكون طبيعي و لونه قريب للبشرة او افتح من البشره بدرجه
ومايكون في فرق بين لون بشرة الوجه والرقبة.


هذة اهم النقاط وان شاءالله في المستقبل راح افتح مدونه مختصه بالميك اب لان لو بتكلم عن كل شي يختص بالميك راح االف كتب :) لان عشقي الميك اب وكل شي يتعلق فيه .

اتمنى تكونو استفدتم .
وراح تسعدني تعليقاتكم ..

ليست هناك تعليقات:

إرسال تعليق